Катта эҳтимол билан “Вильярреал” ҳимоячиси Пау Торрес ёзда “Манчестер Юнайтед”га ўтмайди. 

Manchester Evening News хабарига кўра, испаниялик марказий ҳимоя зонасини кучайтириш бўйича клубнинг номзодлар рўйхатида биринчи ўринда эди, бироқ янги бош мураббий Эрик тен Хаг бошқа вариантлар фойдасига бу трансферга қарши қарор қилди.

Торрес ўрнига голландиялик мутахассис ўзининг собиқ шогирди Лисандро Мартинесни "Манчестер Юнайтед"га ўтказмоқчи, у ярим ҳимоя чизиғидаги позицияни ёпишга қодир.

Эслатиб ўтамиз, Торресга Лондоннинг "Челси" клуби ҳам қизиқиш билдирмоқда, аммо "кўклар" футболчининг трансфери бўйича "Вильярреал" билан ҳали музокараларни бошламаган.