Katta ehtimol bilan “Vilyarreal” himoyachisi Pau Torres yozda “Manchester Yunayted”ga o‘tmaydi. 

Manchester Evening News xabariga ko‘ra, ispaniyalik markaziy himoya zonasini kuchaytirish bo‘yicha klubning nomzodlar ro‘yxatida birinchi o‘rinda edi, biroq yangi bosh murabbiy Erik ten Xag boshqa variantlar foydasiga bu transferga qarshi qaror qildi.

Torres o‘rniga gollandiyalik mutaxassis o‘zining sobiq shogirdi Lisandro Martinesni "Manchester Yunayted"ga o‘tkazmoqchi, u yarim himoya chizig‘idagi pozisiyani yopishga qodir.

Eslatib o‘tamiz, Torresga Londonning "Chelsi" klubi ham qiziqish bildirmoqda, ammo "ko‘klar" futbolchining transferi bo‘yicha "Vilyarreal" bilan hali muzokaralarni boshlamagan.