Италия ОАВнинг ёзишича, «Рома» ҳужумчиси Жастин Клюйверт Англия премьер-лигаси клубларидан бирига кўчиб ўтиши мумкин. Гап Лондоннинг “Вест Хэм” жамоаси ҳақида кетмоқда.
23 ёшли голландияликнинг римликлар билан шартномаси 2023 йилнинг ёзида якунига етади. Футболчининг трансфери 15 миллион еврога баҳоланмоқда.
Клюйверт ўтган мавсумда "Ницца"да ижара асосида ўйнади. Голландиялик футболчи жамоаси учун 31 учрашувда 6 та гол урди ва 6 та голли узатмани амалга оширди.