Sports.ru сайтининг "Поток сознания" деб номланган блоги Россия чемпионатининг якунланган 2011/2012-мавсуми бўйича энг кучли 10 нафар футболчиси номини аниқлади. Унга кўра, 10-ўрин ҳамжртимиз Одил Аҳмедовга берилган. Аҳмедовга берилган таъриф ва бошқа футболчилар рўйхати билан танишинг:

10. Одил АҲМЕДОВ (Ўзбекистон). "Анжи". 24 ёш. Марказий ярим ҳимоячи.
"Анжи" томонидан мавсум бошида қўшиб олинган таянч ярим ҳимоячиси махачқалъяликлар сафига ҳайрон қоларли даражада жуда осон ва тез қўшилиб кетди. Шу пайтгача у фақат Ўзбекистон чемпионатида тўп сурганига қарамай, у мураббийлар кўрсатмасини тўла бажара бошлади ва барча мураббийларда у илиқ таассурот қолдирди. Жуда тез орада унга Ғарбда (жумладан, Лондоннинг "Арсенал" клубидан) қизиқиш пайдо бўлди, аммо у Россия чемпионатини тарк этишга шошилмади ва ўзининг юқори савияли ўйинини намойиш қилишда давом этди. Жамоанинг ҳимоядан ҳужумга ўтиш пайтида Аҳмедов тенгсиз. Тезкор ва техникаси яхши бўлган футболчи ҳам тўп учун курашда, ҳам ҳужум ташкил қилишда бир хил ҳаракат қила олади. Одил ўз ўйинини янада кучайтиришига ва шу орқали ўзбекистонлик футболчилар учун Европага йўл очиб беришига шубҳа йўқ.

Топ-10нинг қолган футболчилари қуйидагилар:
9. Роман ШИРОКОВ (Россия). «Зенит». 30 ёш. Марказий ярим ҳимоячи.
8. Денис ГЛУШАКОВ (Россия). «Локомотив». 25 ёш. Марказий ярим ҳимоячи.
7. Игорь ДЕНИСОВ (Россия). «Зенит». 27 ёш. Марказий ярим ҳимоячи.
6. Бибрас НАТХО (Исроил). «Рубин». 24 ёш. Марказий ярим ҳимоячи.
5. Андрей ВОРОНИН (Украина). «Динамо». 32 ёш. Ҳужумчи.
4. Ласина ТРАОРЕ (Кот д’Ивуар/Буркина-Фасо). «Кубань». 21 год. Ҳужумчи.
3. Вячеслав МАЛАФЕЕВ (Россия). «Зенит». 33 ёш. Дарвозабон.
2. Александр КЕРЖАКОВ (Россия). «Зенит». 29 ёш. Ҳужумчи.
1. Сейду ДУМБИЯ (Кот д’Ивуар). ЦСКА. 24 ёш. Ҳужумчи.