"Реал Мадрид"нинг испаниялик ярим ҳимоячиси Марко Асенсио хизматларига "Ньюкасл" қизиқиш билдирмоқда.
Fichajesнинг сўзларига кўра, жамоа раҳбарияти аллақачон “қироллик клуби”га ярим ҳимоячини трансфер қилиш бўйича таклиф билан чиққан.
Инглизлар Асенсиони 25 миллион еврога сотиб олишга тайёр. Шу билан бирга, “қаймоқранглилар” унинг сотувидан камида 30 миллион олмоқчи.
Transfermarkt экспертлари футболчини 40 миллион еврога баҳоламоқда. Марко "Реал"да 2015 йилнинг ёзидан бери ўйнаб келмоқда. Ўтган мавсумда у 42 та ўйинда майдонга тушиб, 12 та гол урди ва 2 та голга ассистентлик қилди.
