"Real Madrid"ning ispaniyalik yarim himoyachisi Marko Asensio xizmatlariga "Nyukasl" qiziqish bildirmoqda.
Fichajesning so‘zlariga ko‘ra, jamoa rahbariyati allaqachon “qirollik klubi”ga yarim himoyachini transfer qilish bo‘yicha taklif bilan chiqqan.
Inglizlar Asensioni 25 million yevroga sotib olishga tayyor. Shu bilan birga, “qaymoqranglilar” uning sotuvidan kamida 30 million olmoqchi.
Transfermarkt ekspertlari futbolchini 40 million yevroga baholamoqda. Marko "Real"da 2015 yilning yozidan beri o‘ynab kelmoqda. O‘tgan mavsumda u 42 ta o‘yinda maydonga tushib, 12 ta gol urdi va 2 ta golga assistentlik qildi.
