2017 йилдан бери "Локомотив" шарафини ҳимоя қилиб келган ярим ҳимоячи Диёр Туропов жамоа сафини тарк этди.
Ёзги трансфер ойнасида Диёр Туропов "Локо"дан "Навбаҳор"га ўтгани ҳақида мухлислар хабар топиб улгурган бўлса керак.
Диёр Туропов 2017 йилнинг 5 январь куни "Локомотив" билан шартнома имзолаганди. Ўтган беш ярим йил ичида ўз ўйини билан "темирйўлчилар" меҳрини қозона олди ва жамоанинг етакчи футболчиларидан бирига айланди.
Диёржон Туропов "Локо"даги давр мобайнида Ўзбекистон миллий чемпионати доирасида 111та баҳсда майдонга тушишга муваффақ бўлди. Шунингдек, Ўзбекистон Кубоги мусобақаси билан Осиё чемпионлар лигасида ҳам жамоага яқиндан ёрдам берди. Эндиликда Туропов фаолиятини бошқа клубда давом эттиради.
