"Манчестер Сити" ҳужумчиси Эрлинг Холанд қайси жамоага қарши ўйнашни сабрсизлик билан кутаётгани ҳақидаги саволга жавоб берди. 21 ёшли норвегиялик футболчининг сўзларига кўра, у биринчи навбатда "Манчестер Юнайтед"га қарши ўйинда иштирок этишни хоҳлайди.
"Мен буни айтишни ёқтирмайман, лекин "Манчестер Юнайтед"", - деди Холанд.
Ҳужумчи 2022 йилнинг 1 июлида Дортмунднинг "Боруссия"сидан "Манчестер Сити"га ўтган эди. Унинг клуб билан шартномаси 2027 йилнинг 30 июнига қадар мўлжалланган.