"Ювентус"нинг собиқ ҳужумчиси Пауло Дибалага "Милан" қизиқиш билдирмоқда, дея хабар беради La Gazette Dello Sport.
"Интер" ҳалигача аргентиналик футболчини қўлга кирита олмаяпти, гарчи бир қанча вақт олдин улар у билан 4 йил муддатга, бонусларни ҳисобга олмаганда мавсумига 5 миллион евролик маош билан шартномани келишиб олган бўлса-да.
“Милан” бу вазиятдан унумли фойдаланишга тайёр ва футболчини принсипиал рақибдан тортиб олмоқчи. Аммо Паулога Милан таклиф қилиши мумкин бўлган максимал маош 4-4,5 миллион еврони ташкил қилади.
28 ёшли футболчига "Рома", "Наполи", "Атлетико" ва "Манчестер Юнайтед" клублари ҳам қизиқиш билдирмоқда.
Дибала ўтган мавсумда "Ювентус" сафида 39 та ўйинда 15 та гол урди ва 6 та голга ассистентлик қилди. Ҳужумчи Турин клубини 2022 йилнинг 30 июнида эркин агент сифатида тарк этганди.
