"Yuventus"ning sobiq hujumchisi Paulo Dibalaga "Milan" qiziqish bildirmoqda, deya xabar beradi La Gazette Dello Sport.

"Inter" haligacha argentinalik futbolchini qo‘lga kirita olmayapti, garchi bir qancha vaqt oldin ular u bilan 4 yil muddatga, bonuslarni hisobga olmaganda mavsumiga 5 million yevrolik maosh bilan shartnomani kelishib olgan bo‘lsa-da.

“Milan” bu vaziyatdan unumli foydalanishga tayyor va futbolchini prinsipial raqibdan tortib olmoqchi. Ammo Pauloga Milan taklif qilishi mumkin bo‘lgan maksimal maosh 4-4,5 million yevroni tashkil qiladi.

28 yoshli futbolchiga "Roma", "Napoli", "Atletiko" va "Manchester Yunayted" klublari ham qiziqish bildirmoqda.

Dibala o‘tgan mavsumda "Yuventus" safida 39 ta o‘yinda 15 ta gol urdi va 6 ta golga assistentlik qildi. Hujumchi Turin klubini 2022 yilning 30 iyunida erkin agent sifatida tark etgandi.