“Мельбурн Виктори” клуби португалиялик ҳужумчи Нани билан шартнома имзолади.
35 ёшли футболчи билан шартнома муддатига аниқлик киритилмаган. Яқин кунларда у мавсумолди тайёргарликни давом эттираётган жамоа сафига қўшилади.
“Мен “Мельбурн”да ўйнашни интиқлик билан кутяпман, бу чақирув менга қизиқ. Эшитишимга кўра, бу жамоа лиганинг энг яхшиси ва мухлислар трибунадаги муҳитни Европадагидан ёмонроқ қилишмайди", - дея Нани сўзларини келтиради "Мельбрун" расмий сайти.
Нани текинга Австралия клубига кўчиб ўтди. Ўтган мавсумнинг иккинчи ярмида у "Венеция"да ўйнади ва жамоа сафида 10та ўйинда 1та голли узатмани амалга оширди. Мавсум якунида португалиялик Италия клубини тарк этди.
