"Тоттенхэм"нинг айрим футболчилари Жанубий Кореядаги машғулотлар вақтида касал бўлиб қолишди. Бу ҳақда Marca хабар бермоқда.
Манбага кўра, лондонликлар Сеулдаги стадионда +30 даража иссиқда машғулот ўтказишган. Клуб бош мураббийи Антонио Конте ўз футболчиларига 42 марта майдон бўйлаб югуришни буюрган.
Қайд этилишича, машғулот вақтида ҳужумчи Сон Хён Мин ҳушини йўқотган, ҳужумчи Харри Кейннинг эса кўнгли беҳузур бўлган.
Эслатиб ўтамиз, жамоа Жанубий Кореядаги мавсумолди турнеда иштирок этмоқда.













