"Манчестер Юнайтед" ярим ҳимоячиси клубнинг янги бош мураббийи Эрик тен Хаг қўл остидаги машғулотлар қандай ўтаётгани ҳақида гапирди.
"У қизғин машғулотларни яхши кўради, тўпни йўқотганингизда реакцияга киришишни яхши кўради. У ҳамманинг югуришини ёқтиради”, - дейди Фернандеш.
Португалиялик футболчи жуда чарчаган бўлишига қарамай, машғулотлар жараёнидан завқ олишини қайд этди.
"Манчестер Юнайтед" айни дамда Бангкокда йиғин ўтказмоқда. Жамоа август ойида бошланадиган янги мавсумга ҳозирлик кўрмоқда.
