Бельгия терма жамоаси дарвозабони Тибо Куртуа 2018 йилда Чемпионлар лигасида ғолиб чиқиш ниятида “Реал”га ўтган эди, бироқ у бунга атиги 4 йил ўтиб, ўтган мавсумдагина эриша олди.
Мадридликлар финалда "Ливерпул"ни мағлуб этишди, энди Куртуа орзусининг амалга ошганини айтди.
"Реал Мадрид" ҳар қандай вазиятда ҳам ечимни топа олади. Тез орада Европа Суперкубоги учун курашишимиз керак.
Дунёнинг энг яхши клуби билан Чемпионлар лигасида ғалаба қозониш мен учун катта шараф ва орзуимнинг амалга ошиши эди.
Ғалабадан кейин кўплаб табриклар олдим", - дея Куртуа сўзларини келтиради Испаниянинг Marca нашри.
