"ПСЖ" камида иккита сабабга кўра Роналдуни ўз лойиҳасида кўрмоқчи эмас.
Аввал хабар қилинганидек, Хорхе Мендеш ўз мижозини Париж суперклубига таклиф қилган, бироқ рад жавобини олган эди.
Журналист Жулиен Лораннинг фикрича, «ПСЖ» Роналдуни қўлга киритишдан манфаатдор эмас, чунки улар ўз рўйхатига бундай юқори маошга эга футболчини қўша олмайди.
Қолаверса, парижликлар ҳужумда бошқа суперюлдузлар ҳам борлигини инобатга олиб, Кристоф Гальтьенинг тактик тузилмаларида португал учун муносиб жой бўлишига шубҳа қилмоқда.
Криштиану Роналдунинг "Манчестер Юнайтед" билан шартномаси бир йилдан кейин тугайди. Футболчи “қизил иблислар” Чемпионлар лигасида иштирок этмаётгани учун клубини ўзгартирмоқчи.