"Милан" ҳужумчиси Рафаэль Леау "Челси"нинг радарига тушди, дея хабар беради Guardian.
Лондон клуби 23 ёшли футболчини "Лидс" аъзоси Рафинья билан келишувга эриша олмаганидан кейин ҳужумни кучайтириш учун муқобил вариант деб ҳисобламоқда. Бразилиялик футболчи "Барселона"ни танлаган ва унинг трансферига аллақачон рози бўлган.
“Челси” учун яна бир номзод “Бавария” ҳужумчиси Серж Гнабридир.
Леаунинг "Милан" билан шартномасида товон пули 150 миллион еврони ташкил этади. Португалиялик ўтган мавсумда А Сериянинг 34 ўйинида 11 та гол урди ва 8 та голли узатмани амалга оширди.
