"Milan" hujumchisi Rafael Leau "Chelsi"ning radariga tushdi, deya xabar beradi Guardian.
London klubi 23 yoshli futbolchini "Lids" a’zosi Rafinya bilan kelishuvga erisha olmaganidan keyin hujumni kuchaytirish uchun muqobil variant deb hisoblamoqda. Braziliyalik futbolchi "Barselona"ni tanlagan va uning transferiga allaqachon rozi bo‘lgan.
“Chelsi” uchun yana bir nomzod “Bavariya” hujumchisi Serj Gnabridir.
Leauning "Milan" bilan shartnomasida tovon puli 150 million yevroni tashkil etadi. Portugaliyalik o‘tgan mavsumda A Seriyaning 34 o‘yinida 11 ta gol urdi va 8 ta golli uzatmani amalga oshirdi.