"Манчестер Юнайтед" ва "Барселона" ярим ҳимоячи Френки де Йонгни 85 миллион евро эвазига трансфер қилишга рози бўлди, деб хабар бермоқда Mundo Deportivo Esporte3 телеканалининг Onze дастурида журналист Ориол Доменекнинг сўзларига таяниб.
Манбанинг хабарига кўра, 25 ёшли нидерландиялик Эрик тен Хаг билан ишлаш истагига қарамай, инглиз клубига ўтишни истамаяпти.
Қайд этилишича, клублар ярим ҳимоячини кўндиришга умид қилишмоқда.
Де Йонг ўтган мавсумда каталонияликлар сафида барча турнирларда 45 ўйинда 4 та гол урди ва 5 та голли узатмани амалга оширди. Унинг клуб билан шартномаси 2026 йилнинг 30 июнига қадар мўлжалланган.
