Испаниянинг "Валенсия" клуби ҳимоячиси Хорди Альба охир-оқибат Каталониянинг "Барселона" клубига ўтадиган кўринади. Бу ҳақда "Марка" нашри хабар тарқатмоқда.
Манбанинг маълум қилишича, каталонияликлар футболчини Европа чемпионати ниҳоясига етгач, сотиб олишади. Испаниялик футболчи "Валенсия" билан шартномани узайтирмагани боис, бу битимнинг амалга ошиши аниқ бўлиб улгурди.
Ҳозирча трансфер суммаси борасида аниқ маълумотлар йўқ. Бироқ "кўршапалаклар" мусобақа тугагани заҳоти футболчини 15 миллион евро эвазига қўйиб юборишни истамоқда. Бироқ "Барселона" 11 миллион евро ва турли бонусларни таклиф қилмоқда.