"ПСЖ" ярим ҳимоячиси Данилу Перейра ушбу трансфер ойнасида клубини ўзгартириши мумкин. Журналист Адриен Грениернинг сўзларига кўра, португалиялик спорт директори Луис Кампос билан келажагини муҳокама қилган ва у ерда футболчи клубнинг келажак режаларига кирмаслиги аниқ бўлган.
Эслатиб ўтамиз, Данилу ўтган мавсумда "ПСЖ"нинг асосий ўйинчиси бўлган ва ҳал қилувчи ўйинларда, жумладан, "Реал"га қарши Чемпионлар лигасининг ⅛ финали ўйинларида майдонга тушганди.
Данилунинг ўзи қолишга ва таркибдаги ўрни учун курашишга тайёр, аммо раҳбарият ундан кетишни сўраса, футболчи ўзига янги жамоа топишга мажбур бўлади.