"PSJ" yarim himoyachisi Danilu Pereyra ushbu transfer oynasida klubini o‘zgartirishi mumkin. Jurnalist Adriyen Greniyerning so‘zlariga ko‘ra, portugaliyalik sport direktori Luis Kampos bilan kelajagini muhokama qilgan va u yerda futbolchi klubning kelajak rejalariga kirmasligi aniq bo‘lgan.
Eslatib o‘tamiz, Danilu o‘tgan mavsumda "PSJ"ning asosiy o‘yinchisi bo‘lgan va hal qiluvchi o‘yinlarda, jumladan, "Real"ga qarshi Chempionlar ligasining ⅛ finali o‘yinlarida maydonga tushgandi.
Daniluning o‘zi qolishga va tarkibdagi o‘rni uchun kurashishga tayyor, ammo rahbariyat undan ketishni so‘rasa, futbolchi o‘ziga yangi jamoa topishga majbur bo‘ladi.
