"Барселона" Мемфис Депайни "Ювентус" ҳимоячиси Данилога алмаштиришни кўриб чиқмоқда.

Каталонияликлар Дани Алвес билан хайрлашганидан кейин "Барселона" янги ўнг қанот ҳимоячиси қидирмоқда.

"Челси"дан Сесар Аспиликуэта номзодлардан бири бўлиши мумкин, аммо "Барса" бошқа вариантларни ҳам кўриб чиқмоқда.

Calciomercatoweb хабарига кўра, испанлар Депайни "Ювентус" ҳимоячиси Данилога алмаштиришлари мумкин.

Бразилиялик футболчи Турин клубига 2019 йилда келган, бироқ яқинда асосий таркиб футболчиси бўлишни тўхтатган.

Ўтган мавсумда Данило А Серияда 22 ўйин ўтказиб, 1 гол урди ва 1 голли узатмани амалга оширди.