"Чикаго Файр"нинг 18 ёшли дарвозабони Габриэль Слонинанинг агенти "Челси" америкалик футболчининг трансферига рози бўлганини тасдиқлади.
Қайд этилишича, "Челси" Слонинанинг трансфери учун турли бонусларни ҳисобга олмаганда 10 миллион евро тўлайди. Бироқ, дарвозабон яна бир мавсум МЛСда қолади ва у ерда ижара асосида ўйнайди.
Бу йил Слонина “Чикаго Файр” сафида 20 та ўйин ўтказиб, ўз дарвозасидан 27 та гол ўтказиб юборди ва 8 марта ўз дарвозаси дахлсизлигини сақлаб қолди.
Transfermarkt портали АҚШ терма жамоаси дарвозабонини 3 миллион еврога баҳоламоқда.
