"Реал" ҳужумчиси Карим Бензема "Барселона"га қарши ўртоқлик ўйинида майдонга туша олмайди.
Ўйин 23 июль куни Лас-Вегасда бўлиб ўтиши режалаштирилган. Жароҳатидан фориғ бўлган Бензема 19 июль куни йиғинга етиб бора олади, бироқ ўйинга атиги уч кун қолган холос.
Бундай шароитда "Реал" бош мураббийи Карло Анчелотти футболчига дам бериши мумкин, деб хабар беради Diario AS.
Қизиғи, Бензема мадридликларнинг “Барселона”га қарши сўнгги расмий ўйинини ҳам ўтказиб юборди – Испания чемпионатининг 2-даврасида каталонияликлар “Реал”ни 4:0 ҳисобида мағлуб этишди.
Бензема ўтган мавсумда Ла Лиганинг 32 ўйинида 27 гол урди ва 12 голга ассистентлик қилди.
