"Арсенал" ҳимоячиси Уильям Салибага "Атлетико" қизиқиш билдирмоқда, дея хабар беради Football Espana.
Аввалроқ, 21 ёшли франциялик футболчига "Марсель"дан қизиқиш борлиги ҳақида хабар берилганди. Бироқ футболчи Лондон клубида қолиш нияти борлигини маълум қилди.
Салиба 2019 йилнинг ёзидан буён "Арсенал"да ўйнамоқда. Бу вақт ичида у "Сент-Этьен", "Ницца" ва "Марсель"да ижара асосида ўйнади.
2021/22 йилги мавсумда Салиба "Марсель" сафида Лига 1да 36 та ўйинда майдонга тушди.