"Болонья" "Ювентус" ҳимоячиси Андреа Камбьясони ижарага олди. Шартнома 2022/23 йилги мавсум охиригача амал қилади.
14 июль куни “Ювентус” “Женоа”дан келган 22 ёшли италиялик футболчининг ҳуқуқларини қўлга киритди. Генуяликлар 8,5 миллион евро олишди, яна 3 миллион туринликлар бонус сифатида тўлайдилар.
Камбьясо - "Женоа" тарбияланувчиси ҳисобланади. Ўтган мавсумда футболчи жамоа сафида барча мусобақаларда 27та ўйинда майдонга тушиб, 1та гол урди ва 4та голли узатмани амалга оширди.