"Реал Мадрид" бош мураббийи Карло Анчелотти ва клуб ходимлари жамоа футболчиси Эден Азарнинг жисмоний тайёргарлиги даражасидан ҳайратда қолишди. 2021/22 йилги мавсумнинг катта қисмида футболчи жароҳатлардан даволанди.
Marca хабарига кўра, мавсумолди биринчи машғулотида бельгиялик футболчи астойдил шуғулланган ва мавсум бошланишига тайёрлигини кўрсатган. Мадриднинг “Реал” клуби ёзда ярим ҳимоячини сотмоқчи эди.
Умуман, футболчи клуб сафида 66 та ўйин ўтказиб, 6 та гол ва 10 та голли узатмани амалга оширган. Мадрид клубида ўтказган барча вақтлари давомида Азар 16 бор жароҳат олган.
