"Арсенал" тарбияланувчиси Омари Хатчинсон "Челси"га ўтишини якунлади. 18 ёшли ҳужумчи “кўклар” билан узоқ муддатли шартнома имзолади.
Хатчинсон "Арсенал" академиясининг энг иқтидорли вакилларидан бири ҳисобланади. Ёш футболчининг шартномаси ниҳоясига етди ва “канонирлар” унинг молиявий талабларига жавоб бера олмади, шундан сўнг Омари Лондоннинг “Челси” жамоасига ўтишга қарор қилди.
18 ёшли Хатчинсон ҳозирча "Челси" ёшлар жамоасида машғулот ўтказади. Ҳозирча футболчи ижарага бериладими ёки ўсмирлар ўртасидаги турнирларда иштирок этадими, ҳали аниқ эмас.
