"Арсенал" ҳужумчиси Габриэль Жезуснинг агенти Марсело Петинати Англия Премьер-лигасининг бошқа клуби мижозини ўз сафига қўшиб олишга уринганини тан олди.
Эслатиб ўтамиз, бразилиялик футболчи "канонирлар" сафига "Манчестер Сити"дан тахминан 45 миллион евро эвазига кўчиб ўтганди.
"Челси" "Арсенал"га ўтиш олдидан Жезусни ўз сафига қўшиб олишга уринган жамоалардан бири эди. Сўнгги кунларда "кўклар" уни қўлга киритиш учун жуда кўп ҳаракат қилишди, аммо ўша вақтга келиб биз қарор қабул қилиб, "Арсенал" билан келишувга эришгандик", - деди Жезуснинг агенти.
