"Рейнжерс" ҳимоячиси Кэлвин Басси "Аякс"га ўтишга яқин турибди.
Амстердам жамоаси 22 ёшли нигериялик футболчини 22 миллион евро эвазига трансфер қилишга рози бўлди, яна 5 миллиони эса бонуслар кўринишида тақдим этилди.
Шунингдек, Глазго клуби Бассининг кейинги сотувидан 10% олади.
Шу тариқа, келишув амалга оширилса, бу "Рейнжерс" тарихидаги рекорд савдо бўлади.
Шотландия клуби январь ойида ҳимоячи Натан Паттерсонни "Эвертон"га 16 миллион фунт стерлингга (19 миллион евро) сотган эди.