"Ювентус" "Вильярреал" ҳимоячиси Пау Торресга қизиқиш билдирмоқда, деб хабар беради Eurosport.
Манбага кўра, Турин клуби 25 ёшли испаниялик учун 40-45 миллион евро таклиф қилишга тайёр.
Қайд этилишича, “Вильярреал” ҳимоячи учун 50 миллион евро олмоқчи.
Шу билан бирга, "Манчестер Сити" Торрес учун курашда "Ювентус" билан рақобатлаша олади.
Торрес ўтган мавсумда "сариқ сув ости кемаси" сафида 46 та ўйинда майдонга тушиб, 6 та гол урди ва битта голли узатмани амалга оширди. Ҳимоячининг клуб билан шартномаси 2024 йилнинг 30 июнига қадар амал қилади.