"Ливерпуль" ярим ҳимоячиси Фабиньо журналистларга ҳужумчи Садио Манени жамоада сақлаб қолиш учун қандай ҳаракат қилгани ҳақида гапирди.
“Мавсум охирида Садио билан кўп гаплашдим. У менга вазиятни айтди. Мен доим унга: Бўлди, Садио, шу ерда қол. "Ливерпул"да Премьер-лига ва Чемпионлар лигасида ғалаба қозонишингиз мумкин, дедим. Лекин менимча, у аллақачон қарор қилган эди. Биз буни ҳурмат қилишимиз керак эди", деди Фабиньо.













