"Атлетико" аста-секин Криштиану Роналду учун асосий даъвогарлардан бирига айланиб бормоқда. Трансфер ташаббускори шахсан Диего Симеоне.
Аргентиналик мутахассис Роналдуни яна икки мавсумни ҳам юқори савияда ўтказа олишига ишонмоқда. Симеоне Роналдуни жуда ҳурмат қилади. Португалияликнинг ўзи ҳам "Атлетико" таклифини қизиқиш билан кўриб чиқади.
Айни дамда Мадрид клубининг молиявий аҳволи ҳавас қиладиган даражада эмас. ФИФА қоидаларини бузмаслик учун жамоа камида 40 миллион еврога ўз футболчиларидан бирини сотиши керак. Қолаверса, кўп нарса Роналдунинг келажакдаги маошига боғлиқ.
