"Челси" ҳужумчиси Кай Хаверц "Манчестер Сити"дан 50 миллион евро эвазига "кўклар" сафига кўчиб ўтган Рахим Стерлингнинг трансфери ҳақида фикр билдирди.
"У ажойиб футболчи эканлигини ҳаммамиз биламиз. У биз билан бирга бўлганига бир неча кун бўлди, лекин унинг сифати аллақачон сезилиб қолди. У "Манчестер Сити"да сўнгги 5 йилдаги энг яхши статистикага эга. Ўйлайманки, бу кўп нарсани айтади", - деди Хаверц Football London билан суҳбатда.
Эслатиб ўтамиз, 2017/18 йилги мавсумдан бери Рахим Стерлинг Англия Премьер-лигасида ҳар бир мавсумда доимий равишда камида 10 та гол урди. "Челси"га ўтишдан олдин футболчининг "Манчестер Сити" билан шартномаси тугашига атиги бир йил қолганди.
