"Бавария" ўз ярим ҳимоячиси Леон Горецкани маълум муддатга йўқотди. 27 ёшли футболчи чап тиззасидан жароҳат олди ва операция қилинди. Горецка тикланиши учун олти-саккиз ҳафта керак бўлади, дея хабар беради Sky нашри.
Леон Горецка 2018 йилнинг ёзида "Шальке-04"дан "Бавария"га ўтган эди. Тўрт мавсум давомида ярим ҳимоячи мюнхенликлар сафида турли мусобақаларда 139 та расмий ўйин ўтказган. Уларда Горецка 28 та гол урган ва 29 та голли узатмани амалга оширди.
"Бавария" 2022/2023 йилги мавсумдаги илк расмий ўйинини 30 июль куни ўтказади. Шу куни мюнхенликлар Германия Суперкубоги учун "Лейпциг" билан куч синашади.
