"Арсенал" ярим ҳимоячиси Николья Пепега "Эвертон" ва "Вест Хэм" клублари қизиқиш билдирмоқда.
Пепе 2019 йилнинг ёзида Лондон клуби учун рекорд даражадаги пул эвазига «Лилл»дан «Арсенал»га ўтганди, бироқ клубдаги уч мавсуми давомида у асосий таркиб футболчисига айлана олмади.
Мавсум оралиғида "канонирлар" ярим ҳимоячини сотишдан мўмайгина пул топишга умид қилмоқда. Fichajes хабарига кўра, футболчига "Эвертон" ва "Вест Хэм" қизиқиш билдирган.
Фрэнк Лэмпард шогирдлари Ришарлисон сотилганидан кейин ҳужумкор ўйинчиларни қидирмоқда. “Болғачилар” ҳам ўз навбатида ҳужумкор таркибни кучайтиришга интилмоқда.
Футболчи ўтган мавсумда АПЛда 20 та ўйинда майдонга тушиб, 1 та гол урди ва 2 та голли узатмани амалга оширди.
