"Наполи" спорт директори Кристиано Жинтоли клуб нима учун Пауло Дибала билан шартнома имзолашдан бош тортганини тушунтирди.
“Биз Дибалани таркибни кучайтириш учун яна бир имконият деб ҳисобладик ва бу трансферни амалга ошиши мумкин деб ўйладик. Аммо кейин биз унинг агентлари билан гаплашдик ва бу биз учун ҳам, унинг учун ҳам вариант эмаслиги аён бўлди. Спаллетти 4-3-3 схемасида ўйнашни истаётганини ва Дибала уни ўз қарашларини ўзгартиришга мажбур қилишини айтди", - дея Жинтоли сўзларини келтиради клуб матбуот хизмати.
Аввалроқ, 28 ёшли аргентиналик "Рома" билан 2025 йилгача шартнома имзолаши мумкинлиги ҳақида хабар берилганди.
Ўтган мавсумда ҳужумчи "Ювентус" сафида 39та ўйинда майдонга тушиб, 15та гол урди ва 6та голли узатмани амалга оширди.