Ярим ҳимоячи Сергей Милинкович-Савич ёзда “Лацио”да қолиши мумкин. Рим клуби ҳозирча 27 ёшли сербнинг трансфери бўйича расмий таклифларни олмаган.
Олдинроқ инглиз клублари ярим ҳимоячи учун тахминан 55 миллион евро таклиф қилгани ҳақида хабарлар тарқалган эди. Римликлар раҳбарияти 70 миллионлик таклифга рози бўлиши мумкин.
Милинкович-Савич ўтган мавсумда "Лацио" таркибида 47 та ўйинда майдонга тушиб, 11 та гол урди ва 12 та голли узатмани амалга оширди.
27 ёшли сербнинг “Лацио” билан шартномаси 2024 йилнинг ёзида якунига етади.