"Ренн" ҳужумчиси Мартин Террье фаолиятини Англияда давом эттириши мумкин, деб хабар беради L'Equipe.
Манбага кўра, 25 ёшли франциялик футболчига "Лидс" ва "Вест Хэм" даъвогарлик қилмоқда. Қайд этилишича, француз клуби футболчи билан 40 миллион евро эвазига хайрлашишга тайёр.
Террье ўтган мавсумда 37 та ўйинда майдонга тушиб, 21 та гол урди ва 4 та голли узатмани амалга оширди. Transfermarkt портали футболчининг нархини 25 миллион еврога баҳоламоқда.