"Барселона" ярим ҳимоячиси Френки де Йонг фаолиятини давом эттириш учун фақат битта вариантни кўриб чиқмоқда. Sport.es хабарига кўра, ярим ҳимоячи "Бавария"га ўтишга тайёр.
Манбага кўра, нидерландиялик футболчини немис жамоасининг ўйин услуби ўзига тортмоқда. Унга “Бавария”нинг Чемпионлар лигасидаги амбициялари, шунингдек, Германиянинг Нидерландияга яқинлиги ҳам ёқади.
Агар клуб ҳимоячи Маттейс де Лигт трансферини амалга оширса, Френки Бундеслига чемпиони сафига ўтишга тайёр бўлади. Де Йонг ва Маттейс Амстердамнинг "Аякс" клубида бирга ўйнашган.
Френки 2019 йилнинг ёзидан бери "Барселона" сафида ўйнамоқда.
