"ПСЖ" ҳимоячиси Преснел Кимпембе раҳбариятга жамоада қолишни хоҳлашини айтди.
Аввалроқ, Парижликлар "Челси" билан футболчи трансфери бўйича музокаралар олиб бораётгани ҳақида хабарлар тарқалган эди. Бироқ, L’Equipe нашри хабарига кўра, футболчининг ўзи "ПСЖ" раҳбарларини клубни ўзгартириш нияти йўқлиги ҳақида хабардор қилган.
Франция ОАВларининг қўшимча қилишича, "ПСЖ" футболчини кетишга мажбурламайди, аммо раҳбариятга мос келадиган аниқ таклиф тушса, у кўриб чиқилади. Футболчининг парижликлар билан шартномаси икки йилдан кейин тугайди.
Ўтган мавсумда футболчи Франция чемпионатида 30 та ўйин ўтказиб, 1 та гол урган.
