Мюнхеннинг "Бавария" клуби "Лейпциг" ярим ҳимоячиси Конрад Лаймерни ўз сафига қўшиб олмоқчи. Журналист Фабрицио Романонинг ижтимоий тармоқларда ёзишича, “Бавария” бош мураббийи Юлиан Нагельсманн футболчини тезроқ қўлга киритиш учун раҳбариятга босим ўтказмоқда.

Лаймернинг ўзи аллақачон "Бавария" билан шахсий шартнома шартларини келишиб олган. Футболчи собиқ устози билан яна бирга ишлашишни истайди, бироқ клублар нарх бўйича келиша олишмаяпти. Бироқ мюнхенликлар тез орада Австрия терма жамоаси футболчисининг трансфери бўйича янги таклиф билан чиқишади.

Лаймерга «Манчестер Юнайтед» ҳам қизиқиш билдираётганди, аммо «қизил иблислар» австриялик футболчи учун курашдан чиқишди.