Myunxenning "Bavariya" klubi "Leypsig" yarim himoyachisi Konrad Laymerni o‘z safiga qo‘shib olmoqchi. Jurnalist Fabrisio Romanoning ijtimoiy tarmoqlarda yozishicha, “Bavariya” bosh murabbiyi Yulian Nagelsmann futbolchini tezroq qo‘lga kiritish uchun rahbariyatga bosim o‘tkazmoqda.
Laymerning o‘zi allaqachon "Bavariya" bilan shaxsiy shartnoma shartlarini kelishib olgan. Futbolchi sobiq ustozi bilan yana birga ishlashishni istaydi, biroq klublar narx bo‘yicha kelisha olishmayapti. Biroq myunxenliklar tez orada Avstriya terma jamoasi futbolchisining transferi bo‘yicha yangi taklif bilan chiqishadi.
Laymerga «Manchester Yunayted» ham qiziqish bildirayotgandi, ammo «qizil iblislar» avstriyalik futbolchi uchun kurashdan chiqishdi.
