"Манчестер Сити" ҳимоячиси Александр Зинченко бугун "Арсенал"нинг янги футболчисига айланиши мумкин. Журналист Фабрицио Романонинг ижтимоий тармоқларда ёзишича, Украина терма жамоаси футболчиси бугун “канонирлар” қароргоҳида тиббий кўрикдан ўтиши ва шартнома имзолаши мумкин.
Трансфер суммаси аввал хабар қилинганидек, 40 миллион еврони ташкил қилиши керак. “Манчестер Сити” Зинченконинг трансферидан тушадиган маблағни “Брайтон” ҳимоячиси Марк Кукурельянинг трансферига сарф қилмоқчи.
Эслатиб ўтамиз, Зинченко Микель Артета "Манчестер Сити"да Хосеп Гвардиоланинг ёрдамчиси бўлганида бирга ишлаган.
