"Манчестер Сити"нинг собиқ ҳимоячиси Пабло Сабалета Рахим Стерлингни "шаҳарликлар"га ҳурмат билан муносабатда бўлишга чақирди. Эслатиб ўтамиз, англиялик футболчи 50 миллион евро эвазига Лондоннинг "Челси" клубига кўчиб ўтган эди.

"Рахим "Манчестер Сити"да ажойиб ўйнади ва биз унга энг яхши тилакларни тилаймиз. Бу клубни тарк этганингизда, бу ҳақда яхши гапиришингиз керак. Стерлинг "Манчестер Сити"га нисбатан ҳурмат билан муносабатда бўлиши керак", - деди Сабалета Football Daily нашрига.

Сабалета Стерлинг билан икки мавсум давомида "Манчестер Сити"да ўйнади, шундан сўнг у "шаҳарликлар" сафини тарк этиб, "Вест Хэм"га кўчиб ўтганди.