“Манчестер Юнайтед” ярим ҳимоячиси Донни ван де Бек асосий таркибдан жой учун ҳамма билан тенг курашиши кераклигини айтди.

Голландиялик футболчи "қизил иблислар"нинг устози билан яхши таниш: ярим ҳимоячи Амстердамда айнан Тен Хаг бошчилигида яхши даврларни ўтказган, шундан сўнг у "Юнайтед"га ўтган. Икки йил ўтиб, мураббийнинг ўзи ҳам худди шу йўлдан борди.

«Албатта, атрофдагиларнинг ҳаммаси Тен Хаг келганидан кейин ўйнашим кафолатланишини айтишди, чунки у мени «Аякс»дан билади.

Ҳа, Эрик мен билан футболчи сифатида яхши таниш, аммо бу менга устунлик бермайди. Қандай бўлмасин, мен кўп нарсани исботлашим керак. "МЮ"да таниш-билишчилик кетмайди», - дейди ван де Бек.