Ҳимоячи Маркос Алонсонинг "Челси"дан "Барселона"га ўтиш жараёни тўхтатилди.
El Chiringuito хабарига кўра, Каталония клуби футболчининг нархидан қониқмаган. Келаси ёзда шартномаси тугашига қарамай, «кўклар» футболчи учун 13 миллион евро талаб қилмоқда.
Алонсонинг «Челси»даги жамоадоши Сесар Аспиликуэтага келсак, унинг трансфери бўйича музокаралар муваффақиятли кечмоқда.
Нашрнинг ёзишича, “Барселона” бошқа вариантларни кўриб чиқишга қарор қилган. Хусусан, каталонияликлар этиборини “Сельта” ҳимоячиси Хави Галанга қаратди.
Алонсо ўтган мавсумда АПЛда 28 та ўйинда майдонга тушиб, 4 та гол урди ва 4 та голга ассистентлик қилди.
