Тажрибали Акбар Исматуллаев ва Жасур Ёқубов бугун "Бунёдкор"нинг Минскдаги ўқув-йиғин машғулотларига келиб қўшилди. Бу ҳақда клуб матбуот хизмати хабар берди.

Тушдан сўнг Минскка етиб келган ҳар иккала футболчи кечки машғулотларда иштирок этди. Машғулот аввалида ўйинчилар "коридор"дан ўтишди. Сўнг якка тартибда шуғулланишди.

Шунингдек, жароҳатидан тўлиқ қутилмаган Францис Нарх ҳам алоҳида югурди. Жамоа мухлисларини хурсанд қиладиган хабар шуки, жароҳатидан қутилган Суҳроб Иззатов бугундан Минск йиғинида илк бор умумий гуруҳга қўшилди.