"Ювентус" ярим ҳимоячиси Аарон Рэмзи АҚШга клуб билан бормайди, деб хабар беради Calciomercato.
Манба берган хабарга кўра, 31 ёшли уэльслик футболчи ва унинг атрофидагилар Турин клуби билан шартномани бекор қилиш устида ишламоқда.
Рэмзининг клуб билан шартномаси яна бир йилга амал қилади, унга кўра футболчи 7 миллион евро ва бонуслар ишлаб олиши керак. "Бьянконерилар" раҳбарияти футболчининг трансфери учун 2 миллион таклиф қилмоқда. Рэмзи 4 миллион талаб қилмоқда.
Ўтган мавсумнинг иккинчи ярмида ярим ҳимоячи “Рейнжерс” сафида тўп тепган ва клуб билан Европа Лигаси финалига қадар етиб борганди.
