Лондоннинг “Тоттенхэм” клуби раҳбарияти аргентиналик ярим ҳимоячи Жовани Ло Чельсо билан кейинги ҳамкорликдан манфаатдор эмас.
Инсайдер Николо Скиранинг сўзларига кўра, "шпорлар" жорий трансфер ойнасида футболчи учун таклифларни кутмоқда.
Журналистнинг фикрича, 26 ёшли футболчига Испанияда қизиқиш билдирилган. Ло Чельсо аввалроқ ижара асосида ўйнаган клуби "Вильярреал" билан шартнома имзолашга тайёр. “Фиорентина” ҳам аргентиналик учун курашмоқчи.
Иккала клуб ҳам ярим ҳимоячини сотиб олиш шарти билан ижарага олмоқчи, лондонликлар эса тўлиқ трансферга интилмоқда.
